Kuthunjwe kwaqolwa usomahlaya uMakaThangithini

USINDE kukubi ethunjwa yizinswelaboya umlingisi ophinde abe ngusomahlaya.

USimthande Myeza odume ngelikaMakaThangithini uthunjwe ngesikhathi ebize imoto iBolt esuka eMbilo.

Isitatimende esikhishwe wumndeni kaSimthande sidalule ukuthi abathumbi bamyise endaweni engaziwa bambopha izandla bamvala nobuso.

Bamephuce imali bamkhiphisa nesebhange maqede bamkhumula wasala nokwangaphansi kuphela phezu kokuba kubanda njengoba kusebusika.

Baphinde bamshutha izithombe nama-video ngesikhathi ethunjiwe.

Ngaso leso sikhathi bamshayile bemgijimisa.

Okhulumela umndeni uthi usesimweni esigculisayo ekhaya.