Basolwa ngokubulala usomabhizinisi abafe eNanda

SEKUVELE ukuthi abasolwa abahlanu abaqothulwe ngenhlamvu amaphoyisa namuhla bebefunelwa amacala abucayi.

Phakathi kwalamacala abebeyamaniswa nawo elenzeke izolo ngoLwesine lokubulala usomabhizinisi obanjwe inkunzi ebhizinisini lakhe eDube Village.

Ngaphandle kwalokhu umphakathi ubuphila kanzima ngenxa yabo njengoba bekhonjwa nasekubambeni inkunzi kuhlonyiwe endaweni.

Abasolwa abashona ngesikhathi sokudubulana bayamaniswa nenqwaba yamacala akhona endaweni, okubalwa awokubulala nokubamba inkunzi kuhlonyiwe.

Kutholwe izibhamu ezinhlanu okukholakala ukuthi bezisetshenziswa ebugebengwini kanti bezisemiqashweni yabo eTafuleni nasoHlange.