Injabulo uSelbyonce ejoyina iGagasi FM

UMENYEZELWE njengelungu elisha lomsakazo iGagasi FM uSelby “Selbyonce” Mkhize.

Lesi silomo somsakazi esivalelise kuKhozi FM ngoLwesithathu, sizosebenza ngokubambisana neKings of The Weekend okunguDJ Naves noSphectacula.

KwiGagasi FM, uSelbyonce uzoshayela uhlelo iFast Lane engena ngo-3 kuya ku-6 ntambama.

Kuzokhumbuleka ukuthi iGagasi FM ngomunye wemisakazo uSelbyonce avele abesifela ngawo.

Ukushiya kwakhe uKhozi FM kujabhise abaningi kodwa abanye baphinda bajabulela ukuthi uthole amadlelo aluhlaza.