Isihluku kuthunjwa isalukazi saseMadadeni

KUBATSHAZWA isihluku esigilwe yishaqa labesilisa elithumbe isalukazi laphinda lamshaya lamqola nempahla yakhe.

Lo wesifazane (66) kuthiwa  ubehamba emgwaqeni uNewcastle Street, kwaMathakuza, eNewcastle emini yasekuseni.Abasolwa bafake lo owesifazane ngenkani ebhuthini yemoto bamyisa endaweni engaziwa. 

Kulapho kuthiwa bamhlubule abekugqokile wasala nqunu, bamephuca imali nocingo lwakhe.

Abasolwa bamthumbe izinsuku eziningi bagcina bemdedelile kuleli sonto. Amaphoyisa abikeliwe kwavulwa icala lokuthumba.

INewcastiallian News icaphune uConstable Langa waseMajuba oqinisekise isigameko nokuthi amaphoyisa ayasiphenya.

Uthe ngesikhathi sokuloba bekungakaboshwa muntu.