Sekuboshwe amasosha asolwa ngokuthumba nokubulala

SEKUBOSHWE amasosha amabili ngezinsolo zokuthumba nokubulala e-OR Tambo International Airport naseCenturion, ePitoli.

Abasolwa baneminyaka engu-36 no-51.

Ukuboshwa kuhlobene nokubulawa kukaLieutenant Colonel Frans Mathipa, owadutshulwa washona ngesikhathi eshayela emgwaqeni u-N1 ngaseHammanskraal ngo-August 6, 2023. 

Ngesikhathi amaphoyisa ephenya aphinde ashaqa nemoto kamsolwa oneminyaka engu-36. 

Imoto kusolwa ukuthi yasetshenziswa kuthunjwa amadoda amabili angowokufika kuleli enxanxatheleni yezitolo eMidrand ngoDecember 2022. 

Abasolwa kulindeleke ukuthi bavele eNkantolo yeMantshi yaseRandburg kusasa ngoMsombuluko.