Bayidinga iphumile ehhovisi imeya yakwaNongoma

ISEKUVELE ukuthi maningi amakhansela akumasipala wakwaNongoma enyakatho yeKwaZulu-Natal asayine isiphakamiso sokuthi kukhishwe iMeya uClifford Ndabandaba weNFP noSomlomo uBabongile Sithole we-ANC.

Ngokwesiphakamiso esizokwethulwa ngoLwesibili ngenyanga ezayo, uNdabandaba noSithole babhekene nokushushiswa ngenkohlakalo.

Lokho kucekela phansi isithunzi sikamasipala, yingakho kube nesiphakamiso sokuthi basuswe.

Abakhalazayo bathi laba bobabili basolwa ngokwephula izimiso zokuphatha kahle ngesikhathi besemahhovisi abo.