Libophele amalungu eMK Party ithimba likaShivambu
UFloyd Shivambu usememezele ikomiti elihola iMayibuye Consultation Process.
Okuphawulekayo ngalo wukuthi lihlanganisa isibalo esikhulu salabo ababengamalungu oMkhonto Wesizwe Party.
Phakathi kwababengamalungu e-MK Party kubalwa uPatrick Sindane, Luther Lebelo, Menzi Magubane kanye noMbhishobhi Stephen Zondo ongundabamlonyeni.
Ngesonto eledlule lowo owayengunobhala-jikelele we-MK Party umemezele ukuthi uzosungula ikomiti elizoxoxisana nabantu baseNingizimu Afrika mayelana nokuthi sikhona yini isidingo seqembu elisha lezepolitiki.
Lokhu kwenzeke ngemuva nje kokuthi uShivambu engasezwani neqembu le-MK, elimehlise waba yilungu elijwayelekile.
Esithangamini nabezindaba eMidrand ngoLwesihlanu, uShivambu uthe leli komiti liphethwe amalungu e-MK Party adumele “ngokuhleleka kwamanje” kwalenhlangano.
