Banikwe ibheyili abasolwa ngenkohlakalo kwaTransnet

BAPHUME ngebheyili kaR-R50,000 umuntu emunye abane ababengabaphathi bakwaTransnet.

U-Anoj Singh, Brian Molefe, Siyabonga Gama, noThamsanqa Jiyana banikezwe ibheyili kulandela ukuboshwa ngamacala okukhwabanisa nenkohlakalo ahlobene nezinkontileka zezigidi zamarandi.

Lama doda amane azinikele emaphoyiseni namuhla aphinde avela phambi kweNkantolo Yamacala Akhethekile Ezohwebo eNkantolo yeMantshi yasePalm Ridge eKurhuleni namuhla ngoMsombuluko.

Leli cala lisukela ekuziphatheni okungalungile ngesikhathi besasebenza kwaTransnet, okuyinkampani kahulumeni ephethe izinto zokuthutha.

Bonke laba bayamaniswa nethenda kaR400 million.