Kuphinde kwahlehla ukugwetshwa kowabulala uMagaqa

KUHLEHLISIWE ukwethulwa kwesigwebo sowavuma ukuthi wabulala isishoshovu sowanguNobhala-Jikelele we-ANC YL ngo-2017.

Ukugwetshwa kukaSibusiso Ncengwa ngecala lokubulala uSindiso Magaqa kuhlehliselwe uMsombuluko ozayo okunguJuyi 7. 

UNcengwa uwavumile amacala amaningi okubalwa kuwo elokubulala, ukuzama ukubulala, ukulimaza impahla nokutholakala nezibhamu nezinhlamvu okungekho emthethweni.

Ngemuva kokuzivumela ukuthi wadubula wabulala uMagaqa iNkantolo eNkulu yaseMgungundlovu yamukele akuveza yase iqoka usuku lokwethulwa kwesigwebo sakhe.

Ngokobufakazi obethulwe enkantolo, uMagaqa wahlaselwa ngoJuly 13, 2017, ngaphandle kwe-tuck shop eMzimkhulu, KwaZulu-Natal.