Kushone obepopola emfantwini wesicabha

KUBOSHWE owesifazane ngezinsolo zokubulala umfana eCornubia, enyakatho yeTheku.

Kukholakala ukuthi lo wesifazane ujikijele isigubhu esiwu-5 litre sashaya umfana (16) samshaya ekhanda.

Abezimo eziphuthumayo kamuva bathola isidumbu sakhe egcekeni likamakhelwane.

Ngokusho kwenkampani yonogada yendawo, iReaction Unit South Africa (RUSA), owesifazane (48) uthe ujikijele isigubhu ngemuva kokubamba umfana elunguza emfantwini wekhishi lakhe.

Okhulumela amaphoyisa akwaSAPS uThenjiswa Ngcobo uthe owesifazane ubhekene necala lokubulala.

Umsolwa uzovela ngaphambi kweNkantolo yeMantshi yaseVerulam kusasa July 2.