Sekusemome ukuthi ivalwe thanqa i-Assmang

AMAKHULU azolahlekelwa yimisebenzi njengoba i-Assmang ivala imboni yase-KZN Ferroalloy.

Umbiko we-Mining Review Africa uveze ukuthi i-Assmang ikuqinisekisile ukuthi isikhungo saseCato Ridge Works (CRW) sizovala ngo-August 31 kulo nyaka.

Bangaphezu kuka-600 abasebenzi ababhekene nokudilizwa kulandela isimemezelo sokuthi i-Assmang Limited izowuvala unomphela umsebenzi wayo wokukhipha izinsimbi eCato Ridge KwaZulu-Natal.

I-Assmang, ephethwe ngokuhlanganyela yi-African Rainbow Minerals (ARM) kanye ne-Assore ngokubambisana okungu-50:50.

Ukuvalwa kuzothinta abasebenzi abaqashwe ngokugcwele abangu-358 nabezinkontileka abangu-193.

Izinyunyana zabasebenzi nabaholi bendawo bachaze lokhu njengokuhlukumeza umnotho wesifunda osuvele udonsa kanzima.