Libuyela enkantolo icala “lebhanoyi” iCoin-It
ABASUNGULI bohlelo lokutshalwa kwezimali oluyibhanoyi i-Coin-It babuyela enkantolo.
Amalungu amathathu omndeni wakwaDe Beer asolwa ngokukhwabanisa u-R73,6 million babuyela enkantolo ngoJuly 25 kulo nyuaka.
Lokhu kwenzelwa ukuvumela abavikeli ukuba bafake enye i-afidavithi mayelana nesicelo sabo.
UMalcolm de Beer (54), Patricia de Beer (53) kanye noSamantha de Beer (31) baseDundee babekwe amacala okukhwabanisa nokweba imali elinganiselwa ku-R73.6 million.
Baphinde babekwe icala lokwephula iFinancial Advisory & Intermediary Services Act, Banks Act, kanye nokushushumbisa imali. Laba bobathathu bangaphandle ngebheyili ka-R50 000.
I-Coin- It yabhubhisa ithembisa abantu izishaqane zemali, iningi namanje lisakhala ngokulahlekelwa abayifaka kulolu hlelo.
