Ezishaqisayo uMkhwanazi eveza izinsolo ezimbi ngezikhulu zamaphoyisa

UKHOMISHANA wamaphoyisa esifundazweni KwaZulu-Natal Lieutenant General Nhlanhla Mkhwanazi uveze ukubola okungaphakathi embuthweni wamaphoyisa ngenxa yobugebengu.

Udalule izinsolo ezisabekayo nezibucayi ngongqongqoshe wamaphoyisa uSenzo Mchunu nozakwabo ngezinsolo zokusebenzisana nezigebengu.

UMkhwanazi uphinde wasola ukuthi kunetulo lokugudluza kukaKhomishana wamaphoyisa kazwelonke uFannie Masemola nokuhlakaza ithimba elijutshwe ngamacala okubulala ngokulandela umyalelo wamaqembu obugebengu, eligqugquzelwa ngosopolitiki nojenene bamaphoyisa.