Injabulo kugwetshwa umbulali kaMagaqa
KUJABULE abaningi eya emgodini unomphelo umbulali kaSindiso Magaqa.
INkantolo eNkulu yaseMgungundlovu igwebe umbulali kaSindiso Magaqa iminyaka engu-25 ebhadla ejele.
USibusiso Ncegwa walivuma icala lokudubula abulale owayeyisishoshovu nonoNobhala-Jikelele we-ANC Youth League uMagaqa, utholwe enamacala angu-11 kanti ezinye zezigwebo uzozijeza kanye kanye.
Kulindeleke ukuthi amacala abanye abasolwa aqale ukuqulwa kungekudala.
