Kuzohlangana i-ANC ngokudaba lokuxoshwa kwemeya

UBUHOLI be-ANC KwaZulu-Natal buzohlangana nekhokhasi yeqembu kuMasipala waseMpendle kulandela ukuxoshwa kobeyiMeya ye-ANC uBuyisani Mlaba ngesikhathi kunenkulumompikiswano yakamuva yokungathenjwa kwabantu.

iThe Witness ibike ukuthi, i-ANC kuMasipala waseMpendle inamakhansela ayisithupha, i-IFP ne-EFF inamabili lilinye.

Ngokujwayelekile, i-ANC ibinamandla okuvimba lesi siphakamiso, uma kubhekwa izinombolo eziphezulu zeqembu kumasipala.

Kodwa-ke, lesi siphakamiso siphasiswe ngemuva kokuthi amakhansela amahlanu e-ANC egobile, kwathi amakhansela amane e-IFP ne-EFF avotele ukuthi uMlaba akhishwe.

Ekugcineni, uMlaba nguyena yedwa ikhansela le-ANC avotele ukuphikisa lesi siphakamiso.

I-IFP, esiphakamisweni sayo, phakathi kokunye, isole uMlaba ngokungalubhadi emihlanganweni yomkhandlu.