Libagojele abaduna imoto ethwala imali
BAZOGWETSHWA ngoLwesihlanu abalisa ababasematheni ngokubamba imoto yakwaFidelity eHillbrow eGoli.
Abasolwa uMfaniseni Zondi, Sambulo Ngwenya, Sibusiso Thabethe, Sipho Dlamini, Pilate Ncube, Brian Xaba, Paul Maphanga bavele ngaphambi kweNkantolo eNkulu yaseSouth Gauteng eGoli namuhla ngoLwesibili.
Inkantolo ibalahle ngamacala okwakha itulo, ukugebenga ukusebenzisa isihluku, ukuzama ukubulala, ukutholakala nezibhamu nezinhlamvu.
NGokwenkantolo lesi sigameko esenzeka ngoJune 21, 2018 ngesikhathi laba behlasela abathwali bemoto yemali yakwaFidelity Cash Solution eyayiyoyiqoqa eSupabets eHillbrow.
Lamadoda ahlasela athatha yonke imali base bedubula kwalimala ababebukele nezakhamuzi ezingenacala maqede babaleka ngeNissan NP 200, VW Polo neToyota Corolla.
Abasolwa bebegqunywe esitokisini kusukela baboshwa ngoJuni 2018 kanti bazogwetshwa ngoLwesihlanu
