Ushise umthethosisekelo weqembu oxoshwe kwiMK Party

LULOKHU luzihlanze njalo ulwandle oluwuMkhonto WeSizwe Party njengoba seluhlanze obengumholi waleli qembu esifundaweni eMpumalanga.

UMary Phadi akaselona ilungu leqembu le-MK Party noma umholi waleli qembu esiShayamthetho saseMpumalanga.

Lokhu kulandela inkantolo ikhiphe isinqumo sokuthi ngeke ekwazi ukudlulisa leli cala.

UMary ulahlekelwe isicelo sakhe senkantolo sokuthola isinqumo senkantolo sokudelela abaholi be-MK Party ngokumsusa njengomholi weqembu eMpumalanga naphezu komyalelo wenkantolo owawubavimbela.

Ngenxa yentukuthelo ube eseshisa umqulu womthethosisekelo weMK Party phambi kwabazwelana naye.