Inkantolo ivune owayengumkaGigaba ngohlelo lwe-TV
INKANTOLO eNkulu yaseGauteng isichithe isicelo sowayenguNgqingqoshe wezeziMali esiphuthumayo sokumisa ukusakazwa kwengxoxo nowayengunkosikazi wakhe.
Isicelo sikaMalusi Gigaba sokumiswa unompelo kwengxoxo ekhethekile kaNomachule Mngoma, ohlelweni i-Untied kuShowmax sichithiwe.
Isinqumo senkantolo sivumela inkundla yokusakaza ukuthi iqhubeke nokusakaza isiqephu, okulindeleke ukuthi sidalule imininingwane ejulile ngomshado wabo.
UGigaba ubefuna ukuyivimba lengxoxo, ethi ilulaza isithunzi sakhe futhi waxhaphaza impilo yakhe.
Kodwa-ke, ijaji ebeliphethe icala lithole izizathu ezanele zokukhipha isigwebo, okwavula indlela yokuthi izinsolo zikaMngoma zifinyelele abantu abaningi.
