OweMK ubona kuzodala uzinzo eqenjini ukuhamba kukaPhadi

UMGQUNGUZELI woMkhonto WeSizwe Party eMpumalanga u-Advocate Busisiwe Mkhwebane uchaze ukuchithwa kwesicelo sikaMary Phadi njengomyalelo wokubuyiselwa okuphelele kweqembu.

UPhadi ukhishiwe kuMkhonto weSizwe Party kanye nesikhundla sakhe esiShayamthetho sesifundazwe.

INkantolo eNkulu yaseMbombela isichithile isicelo sikaPhadi izolo, ihambisana nesinqumo se-MK Party sokuhoxiswa kobulungu bakhe. 

Lesi sinqumo siqinisekisa uMkhwebane njengomholi weqembu esifundazweni.