Ingqophamlando uCaster Semenya ewina icala elibucayi
INKANTOLO ephakeme yase-Europe ithe inkantolo yaseSwitzerland ayizange imnike ithuba umgijimi waseNingizimu Afrika uCaster Semenya ngokumlalelisisa.
Lokhu kumayelana necala elinobulungiswa mayelana nokuthi yayimphoqa ithi kufanele ehlise izinga lakhe le-testosterone ukuze angenele umncintiswano njengowesifazane.
Ngenxa yalokhu lo mpetha wama-Olympic amahlandla amabili, akakwazanga ukuqhudelana esigabeni asithandayo sama-800m kusukela ngo-2018.
Lokhu kungemuva kokuthi enqabe izidakamizwa zokwehlisa izinga lakhe le-testosterone kulandela i-World Athletics yethula imithetho emisha kwabaqhudelana nabo besifazane.
Leli cala lokucwasa nokuhlukumeza kubasubathi abadalwe ngendlela ehlukile libe yingqophamlando emhlabeni kanti kubukeka kuzoshintsha izinto kwabanye abake bayizisulu.
