Usexolisile umsakazi weGagasi FM ogxekwe ngobubhoklolo

USEHLELE ngezansi waxolisa ngesezo sakhe esihunyushwe njengobubhoklolo umsakazi weGagasi FM.

UMinnie Ntuli ukhiphe isitatimende exolisa waveza kwayena ushaqekile wukubona akwenza kwisiqephu sodumo ohlelweni iThe Real Housewives of Durban esakazwa kuShowmax.

Kulesi siqephu uMinnie usuke ehlohloloza kabi aze angqongqoze esiphongweni uzakwabo uLondie London osuke ezihlalele phansi.

Uthi uzizwe enzele phansi abaningi abambhekile, kusukela kozakwabo, ababukeli, umndeni nabangani ikakhulukazi nalabo asebenza nabo.

Udalule ukuthi  uthathe isinqumo sokuthatha ikhefu emisebenzini yakhe ukuze athole ukwelulekwa ngabaqeqeshiwe ukuze abe ngumuntu ongcono.