I-IFP ithi uRamaphosa uthathe isinqumo esifanele ngoMchunu

IQEMBU le-Inkatha Freedom Party lithi uMengameli wezwe uCyryl Ramaphosa uthathe isinqumo esiphusile ngokumisa ungqongqoshe wamaphoyisa emsebenzini.

Okhulumela i-IFP, uMkhuleko Hlengwa, uthe i-IFP ikholelwa ukuthi uRamaphosa wenze ngendlela efanele ngokubeka uNgqongqoshe wamaPhoyisa uSenzo Mchunu ikhefu ngokushesha.

Leli qembu likusho ngemuva kokuba uRamaphosa eveze ukuthi umisa uMchunu ukuze kuphenywe ngezinsolo ezenziwe nguKhomshana wamPhoyisa KwaZulu-Natal uNhlanhla Mkhwanazi.

Umphumela wophenyo uzobhekwa ezinyangeni ezintathu kuya kwezine kusukela manje.