URamaphosa umise uMchunu esikhundleni ngenxa yezinsolo ezimbi

UMENGAMELI wezwe uCyril Ramaphosa useqoke ukuthi isikhundla sikaNgqongqoshe wamaPhoyisa sibanjwe uProfessor Firoz Cachalia (osesithombeni) kulandela ukumiswa kobephethe lesi sikhundla.

URamaphosa umfake ekhefini uSenzo Mchunu kulandela izinsolo ezibucayi abheke nazo ezithinta ukusebenza kwakhe nabanye abakulo mbutho namaqembu ezigelekeqe.

Konke lokhu kungenxa yenkulumo eyenziwe nguKhomishana wamaPhoyisa KwaZulu-Natal uNhlanhla Mkhwanazi owathulula amakati esakeni ngokungcola kwalo mbutho.

Ngaphezu kwalokhu uRamaphosa uqoke ikhomishana ezophenya kabanzi ngalezi zinsolo nezophinda yenze izincomo ngekusasa labathintekayo.