I-SAPU ikholwa wukuthi beluzoba nzima uphenyo engamisiwe uMchunu

INYUNYANA yamaphoyisa ithi bekuzoba nzima satshe ukuqhuba uphenyo ukube ungqongqoshe akazange amiswe etohweni.  
Le nkulumo yenziwe ngokhulumela 

iSouth African Policing Union, uLesiba Thobakgale, ngesikhathi ephawula ngesinqumo sikaMengameli uCyril Ramaphosa sokumisa uSenzo Mchunu nokuqoka ikhomoshana ezophenya izinsolo abhekene nazo.

Okhulumela iSAPU uthe ikhomishini yophenyo ibingeke isebenze kahle uma uNgqongqoshe wamaPhoyisa uSenzo Mchunu eqhubeka esigungwini esiphezulu.

Uthe kuningi obengeke kulunge yingakho bona njengenyunyana besishayela ihlombe isinqumo sokumiswa kukaMchunu.

Basamukele nesinqumo sokuqokwa kukaProfessor Firoz Cachalia ozobamba kusukela ngenyanga ezayo kulesi sikhundla.