Imeya esanda kuxoshwa yi-ANC isolwa ngokugweva nehhovisi
SEKUQUBUKE izinxushunxushu emizamweni ye-ANC KwaZulu-Natal yokulungisa uMasipala waKwaDukuza kulandela ukuthi iMeya, u-Ali Ngidi edaze inkani wangasula esikhundleni.
Umbiko wephephandaba i-IOL, uthi uNgidi solwa ngokunqaba ukuphuma esikhundleni ngemuva kokuthi leli qembu limxoshile ngasekuqaleni kwenyanga.
Ngokwemithombo ye-ANC engaphakathi, ngesikhathi umdidiyeli wethimba lesifundazwe, uMnuz Mike Mabuyakhulu, ememezela ukuxoshwa kukaNgidi nephini lakhe, uMnuz Njabulo Cele, wabanika amasonto amabili ukuthi bahambise izincwadi zokwesula kuSomlomo walo mkhandlu, uDolly Govender.
Nokho uNgidi kuthiwa uqhubekile nokudelela iqembu ekubeni uCele kuthiwa ukwenzile lokho. UGovender ukuqinisekisile ukuthi uNgidi akesulile ekubeni uCele ekwenzile lokho.
