Unqunyelwe ugwayi katiki umsakazi weGagasi FM
USAZIWAYO wohlelo iReal Housewives of Durban, uLondie London, unqumele ugwayi katiki umsakazi weGagasi FM ukuba axolise kuyena.
Encwadini esemthethweni ebhalwe ngabameli beLamula KB Attorneys abamele uLondie London, kuvela ukuthi uthathele izinyathelo ziomthetho uMinnie Ntuli.
Lokhu kulandela lokho abameli bakhe abakuchaza njengokudicilela phansi isithunzi nokushaywa okungenasizathu kwesinye seziqubu zohlelo iReal Housewives of Durban muva nje.
Umnqamulajuqu oniwe uMinnie Ntuli umnika ithuba lokuthi akaxolise ngokuphelele ngaphambi kuka-5 ntambama namuhla njengoba kuthiwa akakaze akwenze lokhu phambilini.
