I-DA ifuna kuphenywe owe-ANC ngezinsolo ngokudla kwezikole

ILUNGU eliqavile leDemocratic Alliance KwaZulu-Natal lifuna kuphenywe ngezinsolo zokuhlomula kwamakhosikazi ekhansela le-ANC ohlelweni lokudla kwezikole.

USwelakhe Shelembe we-DA uthe useselibhalele umphathiswa weziMali ukuba aphenye ngezinsolo zokumataninswa kwekhansela le-ANC uThanduxolo Sabelo namakhosikazi akhe ngalolu daba.

Lezi zinsolo ziqhamuka ngemuva kokusabalala kohlu lwezinkampani okuthiwa kukhona nezamakhosikazi kaSabelo ezihlomule kulolu hlelo olusingethwe wumnyango wezeMfundo KwaZulu-Natal.

USabelo kumanje uyikhansela eThekwini futhi uyilungu lethimba le-ANC esifundazweni.