I-DA imfuna ephumile esikhundleni uKenny Kunene

I-DA eGoli ithi oyiLungu leKomidi leMeya kwezokuThutha uKenny Kunene kumele esule esikhundleni, noma axoshwe yiMeya uDada Morero.

Lokhu kulandela imibiko ethi amaphoyisa athole uKunene emzini womsolwa ohlobene nokubulawa kuka-DJ Sumbody.

UKunene uthe ubehambisa intatheli ebizokwenza udaba ngomsolwa uKatiso Molefe.

Umholi weKhokhasi ye-DA eGoli, uBelinda Kayser-Echeozonjoku, uchaze incazelo kaKunene ‘njengeyahlekisa’.

UMolefe, okusolwa ukuthi ungungqondongqondo ekubulaweni kuka-DJ Sumbody, uphinde waboshwa ngoMsombuluko.