UKenny Kunene utholwe emzini wosolwa ngokubulala umculi

IPHINI likaMengameli wePatriotic Alliance uKenny Kunene utholakale emzini wosolwa ngecala lokubulalwa kukaDJ Sumbody.

Umbiko wephephandaba iNews24 uthi uKatiso “KT” Molefe, osolwa ngokuhlela ukubulala isihlabani sama-piano ngo-2022 u-Oupa “DJ Sumbody” Sefoka, uboshwe emzini wakhe eSandton.

Kubikwa ukuthi uKunene ubehlele umhlangano noMolefe ngesikhathi kugasela amaphoyisa.

Ngokwemithombo, uKunene akazange aboshwe.

Unikeze isitatimende emaphoyisei wabe esededelwa. Awekho amacala abekwe wona.

UMolefe, okusolwa ukuthi wayehola ithimba elaqashwa ekubulaweni ngesihluku kukaDJSumbody, uboshiwe kanti usevele enkantolo namuhla.