I-ANC iphawula ngezinsolo ezihaqe amalungu ayo aqavile

I-ANC isikhiphe isitatimende ishayela ihlombe iVuma FM ngokuphumela obala icacise ukuthi ilungu lalenhlangano eliphinde libe ngungqongqoshe kwezeMpilo alibanga nasandla ekuxosheni umsakazi.

Lapha le nhlangano ibiphawula okokuqala ngqa selokhu kube nezinsolo zokuthi uNomagugu Simelane-Mngadi ube nesandla ekufakweni amsondo kukaJacinta Ngobese-Zuma.

Igcizelele ukuthi ukunweshulwa kwegama le-ANC nelelungu lalo ezinkundleni zokuxhumana kukubeka ngokusobala ukuthi yinto eyenzeke ngenzinsolo nje ezingathi shu. 

UKhongolose uphinde waphefumula nangodaba olusematheni lwezinsolo zenkohlakalo zokuhlomula kukaNgqongqoshe wezeMfundo uSipho Hlomuka (osesithombe) noThanduxolo Sabelo ohlelweni lokudla kweziikole.

Kulolu iveze ukuthi lolu hlelo lusasetshenzwa futhi abalwengamele bazokwenza isiqiniseko sokuthi konke kuzoba sobala.