Lisobishini iphoyisa elifihle ubufakazi

KUBOSHWE iphoyisa lesifazane ngokufihla ubufakazi obubucayi obuyamaniswa necala lokubulawa komuntu.

Umsolwa, uSergeant Myka Constance Shale (46) waboshwa esemzini wakhe e-Ikageng ngoLwesithathu.

Kubikwa ukuthi uShale wahlangana nempimpi, okusolakala ukuthi yamnikeza isibhamu esasicoshwe endaweni yokubulawa kukaWilfred Casper (38).

Icala lokubulala labikwa ngoMgqibelo, 12 July 2025 eMarikana ePromosa, eduze kwasePotchefstroom.

Kodwa-ke, ngemuva kokuthola isibhamu, akazange asiveze njengobufakazi.

UShale ubevele eNkantolo ywMantshi yasePotchefsroom namuhla ngoLwesihlanu wanikwa ibheyili kaR4,000.

Kulindeleke ukuthi aphinde avele phambi kwenkantolo efanayo ngoMsombuluko, 6 October 2025.