Usinde ngokulambisa oshiselwe umuzi yintombi angasayifuni
OWESIFAZANE (27) uboshelwe ukushisa umuzi womlisa asanda kuhlukana naye.
Umsolwa uboshwe mayelana necala lokushisa ngemuva kwezinsolo zokushisa umuzi wowayeyisoka lakhe eSteve Biko, Phase 4, ngaphansi kwendawo yamaphoyisa eVilla Nora.
Ngokusho kwamaphoyisa, umlisa ubelele ngesikhathi kufika lo wesifazane endlini wagqongqoza emnyango.
Umlisa uthule sengathi ufile kanti lokho kuzocika umsolwa wasevele ebulala amafasitela.
Ngesikhathi ebhizi ephihliza amafasitela utshele omakhelwane ukuthi bangamumpimpi wasedlulela ekushiseni umuzi washa wawumlotha.
Umlisa uphume wabaleka ngenhlanhla waphuma engenamyocu.
Lo wesifazane kulindeleke ukuthi avele eNkantolo yeMantshi yasePhalala namhlanje ngoMsombuluko.ukuze abhekane necala lokushisa.
