I-AK-47 eyabulala uDJ Sumbody imataniswa nenqwaba yamacala

AMAPHOYISA asekuqinisekisile ukuthi i-AK-47 eyasetshenziswa ekubulaweni komculi wodumo u-DJ Sumbody isimataniswa namanye amacala amathathu okubulala okuhlanganisa nelikaHector “DJ Vintos” Buthelezi.

I-IOL ibike ukuthi usomabhizinisi uKatiso Molefe, owayeyiphoyisa uMichael Pule Tau, Tiego Floyd Mabusela, noMusa Kekana bavele eNkantolo yeMantshi yase-Alexander eGoli ngoLwesibili ekuseni.

Abesilisa abathathu kwabane abasolwa ngokubulala u-DJ Sumbody, ogama lakhe langempela kwakungu-Oupa John Sefoka, manje babhekene nelinye icala elihlobene nokubulawa kukaDon Tindleni.

Bobane babhekene namacala okubulala u-DJ Vintos.

U-DJ Vintos wadutshulwa wabulawa ngoMashi 2022 ngaphandle kwekilabhu yasebusuku e-Orlando East, eSoweto.