Ufunga uyagomela ukuthi lizobhaliswa iqembu lakhe uMamabolo

OWAYEYILUNGU lephalamende le-ANC umile ekutheni usazophinda ayolibhalisa iqembu lakhe lezepolitiki iMandela for President.

UBoy Mamabolo uchithwe yi-IEC ngenxa yokusebenzisa igama lowayengumengameli wakuleli uNelson Mandela, ukusebenzisa imibala engadida abavoti nokungophuzi nomnyama.

UMamabolo ucashunwe kwiSunday World ethe ngeke ajabulise i-ANC ngokuthobela “izidingo zobugovu” zokuthi ayeke ukusebenzisa igama likaMandela.

Lokhu kungemuva kokuthi i-ANC neMandela Foundation befake isikhalazo ku-IEC ukuze baphikisane negama likaMandela eqenjini likaMamabolo.

“Angiboni ukuthi kukhona okungalungile ngokusebenzisa igama likaMandela eliwuphawu lweqembu lethu lezepolitiki.

“Phela maningi amabhizinisi endawo asebenzisa igama elifanayo kuwo wonke amagumbi akuleli,” kusho uMamabolo.