Usekobandayo obefunwa nobhululu bakhe ngokuhlasela amaphoyisa
OMUNYE wabasolwa abayishumi abebefunelwa icala lokuzama ukubulala amaphoyisa amabili kwaBester usedutshulwe washona.
Lesi sigameko senzeke kwaDabeka eKK eClermont ngesikhathi umsolwa nabangani bakhe abane begadla kuqala emaphoyiseni.
Abathathe abebecashe nomsolwa ofile, baphume ngamafasitela khona ekameleni lasehostela, bacela empunzini.
Ababili babo batholwe ngaphandle benamanxeba okudutshulwa, baphuthunyiswa esibhedlela begadwe ngamaphoyisa. Alikho iphoyisa elilimale ngesikhathi sokudubulana.
Abasolwa abaphinde bayamataniswa nesinye isigameko sokubulala eNanda kanti batholwe nesibhamu nezinhlamvu ezingu-93.
Abasolwa ababoshiwe bazovela enkantolo uma sebekulungele ukwenza lokho. Kusaqhubeka ukuthungathwa kwabasolwa.
