Indida ngokuqokwa kwemeya entsha kwaDukuza

Kulindeleke ukuthi uMasipala waKwaDukuza ubambe omunye umhlangano wesigungu esiyisipesheli wokukhetha imeya nesekela kulandela ukuhoxiswa komhlangano wangesonto eledlule ngomzuzu wokugcina.

Umbiko we-IOL uthi umxhumanisi wethimba le-ANC esifundeni, uMnuz Nkosenhle Mngadi, uthe isizathu sokuhoxiswa kwalesi sinqumo wukungenelela kweLuthuli House.
Yakhumbuza uhlaka lwesifundazwe ngenhlolokhono okumele iqale yenziwe yithimba leNational Working Committee. 

UMngadi uthe uNobhala Jikelele weqembu, uMnuz Fikile Mbalula, ubabizile wabacela ukuthi babambe izintambo ngoba ngeke kube nenqubo yokukhetha imeya nephini ngaphandle kokulandelwa kwemigudu efanele, okuhlanganisa nokuxoxisana nabazongenela ukhetho.

Kuzokhumbuleka ukuthi obeyimeya u-Ali Ngidi nesekela lakhe uMnuz Njabulo Cele basanda kusula ezikhundleni.