Umphakathi waseHammarsdale ukhala ngomnyango wezempilo
UPHUME ngobuningi bawo umphakathi ukhala ngokushaya ngonyawo lonwabu koMnyango wezeMpilo uma kuza ekunekekeleni umphakathi.
Lokhu kuhlale obala umphakathi waselokishini iMpumalanga eHammarsdale ubamba umbhikisho onokuthula usuka kaMagaba ulibangise emtholamphilo iHlengisizwe ose-unit 6.
Phakathi kwezikhalazo ezibekwe omunye wabaholi bendawo uJaftha Malinga kube wukungafezwa kwesethembiso sokwakhiwa kwesibhedlela.
Uqhube wabala ukungabi khona kwemithi, amaphilisi, ama-ambulensi nokungenezelwa kwabahlengikazi nodokotela nokwenza ingcosana ekhona isebenze kanzima amahora amade.
Incwadi yezikhalazo yamukelwe wuJabulani Mndebele obemele umnyango wezempilo.
