Kuphenywa udaba lomfundi oshayela itekisi eligcwele abafundi

UMnyango wezokuThutha nokuHlaliswa koMphakathi KwaZulu-Natal usuqale uphenyo ngemuva kokutholakala komfundi wesikole eshayela itekisi egcwele abafundi beya esikoleni eNorthdale, eMgungundlovu, ngoLwesibili ekuseni.

Ngokombiko weThe Witness, itekisi yesikole ebishayelwa umfundi osemncane futhi ongenazo izincwadi zokushayela.

Kuvela ukuthi le-video, iqoshwe yilungu lomphakathi elikhathazekile ikhombisa umfundi eqhuba, ehlisa abafundi ngaphandle kwesikole sendawo.

Okushaqise abaningi wukuthi leli tekisi beligcwele nswi abafundi abasebancane.