UKhumalo uzoyilwa kuze kube sekugcineni eyeMK Party

OWAYENGUMHOLI we-Mkhonto WeSizwe Party (MK), uJabulani Khumalo, ufuna inkantolo imbuyisele esikhundleni sokuhola leli qembu.

Ubufakazi wukuthi usethule isicelo esisha enkantolo sokubuyisa leli qembu kulowo owayengumengameli uJacob Zuma kanye nabalandeli bakhe.

Emaphepheni amasha afakwe eNkantolo yoMthethosisekelo ngoLwesibili, uKhumalo ufuna ukuthi lolu daba lulalelwe ngokushesha.

NgokukaKhumalo, uma uZuma ehlose ukusiphikisa isicelo sakhe, kumele afake amaphepha akhe ezimpendulo zingakadluli u–August 22 kulo nyaka.

UKhumalo ufuna inkantolo ilalele lolu daba ngo-Agasti 28, wabalula uZuma, iMK Party nabanye njengabaphenduli.