Kuthiwa i-ANC ifisa ukufaka owayeboshelwe ukubulala kwesobumeya

I-ANC KwaZulu-Natal kuthiwa icabanga ukuqoka owayeyisiboshwa, uRussel Ngubo njengemeya kuMasipala waseMpendle.

Umbiko we-IOL uthi, uNgubo wayeyiPhini lomqondisi esikhungweni sokuhlunyeleliswa kwezimilo ejele iNew Prison ngesikhathi elahlwa yicala lokubulala induna ye-IFP u-Ernest Nzimande ngo-1998.

Wagwetshwa iminyaka engu-25 kodwa wadedelwa ngoshwele ngo-2017.

Umasipala waseMpendle awunayo imeya.

Kuthiwa ngemuva komhlangano wethimba lesifunda le-ANC nobuholi besifundazwe ngeledlule ukudingida udaba lokuqokwa kwemeya entsha, kuqale ukusabalala kwamahemuhemu okuthi igama likaNgubo liphakathi kwabebedingidwa njengomuntu ongase abe yiMeya.