Indida isiteshi samaphoyisa sigqekezwa kwebiwa nama-laptop

KUBATSHAZWA isibindi sezigilamkhuba ezigqekeze esiteshini samaphoyisa zantshontsha ama-laptop amabili.

Isiteshi samaphoyisa saseMgungundlovu Central sesiphinde saba yizisulu zobugebengu; kulokhu, kwagqekezwa amahhovisi abaseshi kwebiwa impahla eolwazi olubucayi.

Okhulumela amaphoyisa KwaZulu-Natal, uColonel Robert Netshiunda, uthe kuvulwe icala lokugqekeza emuva kokugqekezwa kwehhovisi ngoLwesihlanu olwedlule.

Uqhube wathi amasela abengakaziwa kanti kukholakala ukuthi angena ngokugqekeza amawindi ehhovisi.