Igqemeke olungeqiwa ntwala iDowns kwesula uRibeiro

UMDLALI webhola waseBrazil, uLucas Ribeiro Costa, usebhalele iMamelodi Sundowns incwadi yokwesula, ekhombisa ukuthi uzimisele ngokuhlukana nezinkunzi zaseBetway Premiership.

Lo mdlali wasesiswini onethalente, omelwe yinkampani yabameli edumile yaseDupont-Hissel, uveze “isizathu” sesinqumo sakhe, nezinhlelo zokwethula udaba lwakhe phambi kweFifa Football Tribunal.

Lokhu kulandela ukusebenza kwakhe kahle emidlalweni yeNdebe yoMhlaba yamaqembu ebhola ebise-United States of America.

Okunye okuqaphelekile wukuphuma kungazelelwe ekhempini ngaphambi kwesizini, phakathi kwemibiko eyasusa izinkulumo zokushintshana namaqembu afana neQatar SC.

Imininingwane isalinde ukubuyekezwa kwe-FIFA.