Akasekho emhlabeni uNandi Nyembe
ISIGQEMEKE olungeqiwa ntwala imboni yezokaqedisizungu ngokudlula emhlabeni kwenkakha yomlingisi.
UNandi Nyembe ozakhele udumo ngokulingisa ushone ngokukhulu ukuzuma.
Lezi zindaba zimenyezelwe uNgqongqoshe Wezemidlalo, Ubuciko Namasiko, uGayton McKenzie.
UMcKenzie uthe : “ Umndeni wakwaNyembe ngokubambisana noMnyango wezeMidlalo, ezobuCiko namaSiko kuzwelonke, bamemezele ngokudlula emhlabeni kwengcweti kwezobuciko eNingizimu Afrika, uMam’ Nandi Nyembe.”
Lezi zindaba ezibuhlungu ziqhamuka nje akukapheli sikhathi esingakanani kade kusabalele ivideo enalesi sihlabani sibukeka sixhwalile ngenxa yempilo ebingeyinhle.
