Utheleke kwezwakala uMalema eNigeria

UMHOLI we-EFF uJulius Malema utheleke kwezwakala e-Abuja eNigeria ukuzobamba iqhaza engqungqutheleni yaminyaka yonke ye-Nigerian Bar Association.

UMalema nethimba lakhe bazokwethamela ingqungquthela yaminyaka yonke yeNhlangano Yabameli BaseNigeria e-Enugu.

Kulolu hambo kuzobhungwa ngokuningi okubalwa kukhona izindaba zomthetho, ezombusazwe, nezokuphatha ngale kweNingizimu Afrika.

Kule ngqungquthela, uMalema uzokwethula inkulumo enohlonze kanti ibhekwe ngabomvu.

Ngesikhathi befika e-Abuja, uMalema nethimba lakhe bahlangatshezwe uChief Babatunde Ogala nabanye.