UMalema uthi akuphele ngezikhangiso zotshwala

UMHOLI we-EFF uJulius Malema uthi sekuyisikhathi sokuthi iNingizimu Afrika ivale ukukhangisa ngotshwala nogwayi. 

Uthi izikhangiso zigqugquzela uphuzo oludakayo esikhundleni sokukhombisa umonakalo wangempela odalwa utshwala kubantu.

UMalema ukusho lokhu ethula inkulumo enohlonze phambi kwezazimthetho e-Enugu eNigeria.

Ukumenywa kwakhe kube ngenxa yokwazisa ubu-Afrika nokugqugquzela ubumbano kubo bonke abakulelizwekazi.

UMalema uphinde wathi : “I-Afrika kumele ibumbane iholwe ngumengameli oyedwa, imali eyodwa, ibutho elilodwa, imingcele.”