Ulaxazwe ummeli umzukulu osolwa ngokunquma ugogo wakhe

LIMISIWE icala lomzukulu osolwa ngokugwaza nokunquma ikhanda likagogo wakhe maqede adlale ngalo eligenda.

Icala elibhekene noThabo Ntokozo Nzimande limiswe kulandela ukuhoxa kommeli wakhe weLegal Aid.

UNzimande waboshwa nezingubo ezinegazi ngoJune 8 2024, emuva kosuku lokubulawa kukagogo wakhe uBeatrice de Lange (80) emzini wabo kuMaurice Nichols Road, ePinetown.

Amalungu omndeni kaNzimande abekhona enkantolo azama ukukhuluma naye ngesikhathi egibela ebhokisini kwathi ngokuhamba kwesikhathi wehla ngemuva kokuhlehliswa kwecala.

Icala lihlehliselwe uLwesihlanu ukuze kubhekwe ukuze kubhekwe izinhlelo zommeli omusha.