Ukhale ngokuhlukunyezwa yi-ANC maqede wayilaxa

OWAYEYILUNGU lephalamende uBoy Mamabolo useshiye phansi i-ANC ngemuva kweminyaka engu-29.

Encwadini ayibhalele uNobhala we-ANC esifundazweni uReuben Madadzhe, uMamabolo ubhale ukuthi ngeke esakwazi ukubekezelela lokho akuchaze njengokuhlukunyezwa yiqembu nakufunayo.

Uqhube wathiisinqumo sakhe sokushiya i-ANC njengesinzima futhi sisuka enhliziyweni.

Ukhale nangalokho akubize ngokuxoshwa kwakhe ngokungemthetho ephalamende, nokucekelwa phansi kwemizamo yakhe yokusungula iqembu elisha lezepolitiki.

Kuzokhumbuleka ukuthi emasontweni adlule uMamabolo uchithwe yi-IEC emizamweni yokubhalisa iqembu lakhe.