Baboshwe bematasa belayisha amakhebuli ebiwe

KUBOSHWE abalisa abahlanu ababhadanywe belayisha elolini amakhebuli ethusi elibiza izigidi zamarandi ogwini oluseningizimu neKwaZulu-Natal.

Ngokombiko we-eNCA abasolwa ababoshiwe kukholakala ukuthi bangabokudabuka ePakistan.

Abanye abaningana bagcwele amathafa, futhi kusathungathwa.

Leli qembu lezigebengu kuthiwa belilayisha lezi zinto ezebiwe emalolini amabili endaweni yokugcina impahla e-Illovo ngenhloso yokuyiyisa ngaphandle kwedolobha.

Imininingwane yophenyo iveza ukuthi lamakhebuli amakhebuli angaphansi kukaMasipala weTheku.