ULaConco nengqayizivele yethuba emdlalweni waphesheya

SIPHUPHUMA injabulo isilomo sikasaziwayo esiqokwe njengomlingisi ophambili womdlalo wezingane odume umhlaba wonke uBluey ohunyushwe ngesiZulu.

UNonkanyiso “LaConco” Conco ozakhele igama kwiThe Real Housewives of Durban, uveze ukuthi uthole ingqayizivele yethuba yokudlala indawo kanina kaBluey.

ULaConco uthe ” Ngizizwa ngihloniphekile ngokungena emkhakheni ngezwi emdlalweni wakuBBC, uBluey ngesiZulu.

Lokhu kube yinto emangalisayo engingakaze ngiyicabange. Inhliziyo yami igcwele, udumo kuNkulunkulu.”

Uthe nakuba engakalwazi usuku lezi ziqephu zalopopayi ukuthi zizoqala nini ukusakazwa kuthelevishini ngolwimi lwesiZulu, kodwa uthembisa ukuw uzomemezela uma esenolwazi.