Kushone owayengumyeni kaKhanyi Mbau

AKASEKHO emhlabeni owayengumyeni kanontandakubukwa uKhanyi Mbau.

UMandla Mthembu (68) owaduma eminyakeni edlule ngokuba sothandweni oluvutha amalangabi noKhanyi kubike umndeni wakhe ukuthi akasekho emhlabeni.

Esitatimendeni esikhishwe wumndeni kaMthembu, kuvezwe ukuthi ushonele esibhedlela.

Lokhu kwenzeke ngemuva kokuthi engeniswe kulandela ukushaywa isifo sohlangothi okwesibili.

UMthembu waziwa ngempilo ephambili egibela izimoto ezibizayo ayezithengela yena nowayeyisinqandamathe sakhe uKhayi okubalwa kuzona iLamborgini.